តាមប្រមាញ់ក្រុមចោប្លន់ ឃាត់ខ្លូនជាបន្តបន្ទាប់ ៧នាក់
21-December-2015 | ដោយ ពល រាជសី
ភ្នំពេញ៖ កាលពីយប់ ឈានចូលថ្ងៃទី២០ ខែធ្នូ ឆ្នាំ២០១៥ ជនសង្ស័យ ៧នាក់ ត្រូវកម្លាំងសមត្ថកិច្ចព្រហ្មទណ្ឌខណ្ឌចំកាមន សហការជាមួយកម្លាំងព្រហ្មទណ្ឌខណ្ឌទួលគោក ចុះឃាត់ខ្លួនជាបន្តបន្ទាប់ ស្ថិតនៅផ្លូវ១៧៣ កែងផ្លូវ២៧១ សង្កាត់ទុំនុបទឹក ខណ្ឌចំការមន បន្ទាប់ពីពួកគេបានធ្វើសកម្មភាពវាយប្លន់យកម៉ូតូ១គ្រឿង។
សមត្ថកិច្ចបានប្រាប់ឲ្យដឹងថា មុនពេលកើតហេតុជនរងគ្រោះ បានជិះម៉ូតូ១គ្រឿងម៉ាក សង់ សេរីឆ្នាំ២០១៥ មានគ្នា២នាក់ កំពុងធ្វើដំណើរតាមផ្លូវ ស្រាប់តែមកដល់ចំណុចកើតហេតុ ក៏មានជនសង្ស័យជិះម៉ូតូ ២គ្រឿង មានគ្នា ៦នាក់ បានមកវាយប្លន់ពីជនរងគ្រោះ បានសម្រេច រួចពួកគេជិះគេចខ្លួនបាត់អស់។ ក្រោយកើតហេតុ ភា្លមៗ ជនសង្ស័យ ក៏ជនសង្ស័យទាំង ៧នាក់ ត្រូវសមត្ថកិច្ចឃាត់ខ្លួនបានជាបន្ទាប់ដែរ។
ប្រភបបន្តថា ជនសង្ស័យ ទី១.ឈ្មោះ លី គឹមសុង ភេទប្រុស អាយុ១៩ឆ្នាំ មុខរបរមិនពិតប្រាកដ ស្នាក់នៅផ្ទះលេខ៣C ផ្លូវ២៦១ សង្កាត់បឹងសាឡាង ខណ្ឌទួលគោក ទី២.ឈ្មោះ ស៊ីម ពេជ្រមនោរម្យ ហៅពេជ្រ ភេទប្រុស អាយុ១៨ឆ្នាំ មុខរបរិនពិតប្រាកដ ស្នាក់នៅសង្កាត់បឹងសាឡាង ខណ្ឌទួលគោក ទី៣.ឈ្មោះ សុខ ពន្លឺ ភេទប្រុស អាយុ១៦ឆ្នាំ មុខរបរមិនពិតប្រាកដ ស្នាក់នៅផ្ទះលេខ៦៥A ផ្លូវ២១០ ក្នុងសង្កាត់ទឹកល្អក់៣ ខណ្ឌទួលគោក ទី៤.ឈ្មោះ មឿន ស្រីស្រស់ ភេទស្រី អាយុ២៣ឆ្នាំ មុខរបរមិនពិតប្រាកដ ស្នាក់នៅផ្ទះជួល សង្កាត់ទឹកល្អក់២ ខណ្ឌទួលគោក ទី៥.ឈ្មោះ ខៀវ ចន្ថា ហៅម៉ៅ ភេទប្រុស អាយុ២១ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវ២៤៧ សង្កាត់ទឹកល្អក់៣ ខណ្ឌទួលគោក ទី៦.ឈ្មោះ ប៉ិក វាសនា ហៅទី ភេទប្រុស អាយុ១៦ឆ្នាំ មុខរបរ និងស្នាក់នៅមិនពិតប្រាកដ មានស្រុកកំណើតនៅស្រុកសំរោង ខេត្តតាកែវ និងទី៧.ឈ្មោះ ហ៊ឹម សុខលាង ហៅរ៉ូ ភេទប្រុស អាយុ១៨ឆ្នាំ មុខរបរ និងស្នាក់នៅមិនពិតប្រាកដ មានស្រុកកំណើតស្រុកសំរោង ខេត្តតាកែវ។
បច្ចុប្បន្នជនសង្ស័យទាំង ៧នាក់ ត្រូវសមត្ថកិច្ចបញ្ជូនទៅអធិការដ្ឋាននគរបាលខណ្ឌចំការមន ដើម្បីក៏សាងសំនុំរឿងទៅតាមនីតិវិធី៕
ចំនួនអ្នកទស្សនា
- ថ្ងៃនេះ5781
- ម្សិលមិញ12561
- សប្តាហ៍នេះ33731
- ខែនេះ55611
- ឆ្នាំនេះ55611
- សរុប20498067